Kreu Financa 50 Milion eurot e ndara nga qeveria. Këto janë kriteret dhe ja kush perfiton

50 Milion eurot e ndara nga qeveria. Këto janë kriteret dhe ja kush perfiton

nga Kontabilisti

Ministri i Bujqësisë, Faton Peci ka bërë të ditur se me datë 26 prill do të hapet aplikimi për subvencionet në bujqësi.

Ministri ka thënë se programi i subvencioneve do të jetë me vlerë 50 milionë euro.

“Pas aprovimit të Programit për Pagesa Direkte / Subvencione 2022 me datë 4 Mars dhe ndjekjes së procedurave ligjore për hartimin e Udhëzimit Administrativ, diskutimit paraprak, diskutimit publik dhe hyrjes në fuqi të këtij akti normativ pas shpalljes në Gazetën Zyrtare, si dhe pas koordinimit të Drejtorive për Bujqësi në Komuna me Agjencinë për Zhvillimin e Bujqësisë;

Me datë 26 Prill hapet për aplikim Programi për Pagesa Direkte / Subvencione 2022!

Ky Program përmban rritje substanciale të mbështetjes financiare për fermerë me vlerë prej rreth 50 milionë euro duke përfshirë; 5 milionë euro subvencionimin e naftës, përkthyer në 0.36 cent për litër dhe 8 milionë euro për inputet bujqësore për plehërim pranveror për 4 kultura bujqësore; grurë të përkthyer në 150 euro për hektarë, misër, patate dhe fasule përkthyer në 100 euro për hektarë.

Kemi rritur përkrahjen për:
216% për grurin,
119% për misrin,
118% për pataten dhe fasulen,

85% për perimet për perimet në fushë të hapur,
100% për perimet në sera,
33% për bletët,

26% për kulturat pemëtare
25% për mjedrën
21.6% për farën e grurit,
16% për qumështin sipas cilësisë;

si dhe rritje të konsiderueshme për shumicën e sektorëve dhe nën-sektorëve të paraparë me Programin e Pagesave Direkte 2022″ shkruan Peci në njoftim.

Ju gjithashtu mund të pëlqeni