Kreu Ekonomi E fundit: me këtë datë do te ekzekutohen pagesat per keto kategori të punetorëve

E fundit: me këtë datë do te ekzekutohen pagesat per keto kategori të punetorëve

nga Flamur Berisha

Zëdhënësi i Komisionit Qendror të Zgjedhjeve, Valmir Elezi, ka bërë të ditur se janë kryer të gjitha pagesat për për stafin e angazhuar në raundin e parë të zgjedhjeve lokale.

Kurse, të gjithë ata që ishin të angazhuar në zgjedhjet e 14 nëntorit 2021 pritet që këto ditë t’u transferohen mjetet në xhirollogaritë e tyre.

“Janë realizuar me kohë pagesat për stafin e angazhuar në raundin e parë të zgjedhjeve lokale. Ka pasur raste kur pagesat nuk kanë mundur të realizohen, kryesisht për shkak të gabimeve në numrat e llogarive. Pas përmirësimeve, këto raste janë dërguar sërish në Ministrinë e Financave”, tha ai.

Elezi tha që pret që i gjithë ky proces të përmbyllet gjatë kësaj jave.

Ndërsa, pritet që javën e ardhshme të dërgohen të dhënat e stafit të angazhuar për rezultatet preliminare.

“Ndërkohë, lidhur me stafin e angazhuar në raundin e dytë, para disa ditësh i kemi përcjellë në MF, pjesën më të madhe të listave me të dhënat e tyre.  Së shpejti do të dërgohen edhe listat me emrat e personave të angazhuar si staf në Qendrën e Numërimit dhe Rezultateve”, tha ai./IndeksOnline/

Ju gjithashtu mund të pëlqeni