Kreu Financa E konfirmon Ministri i Financave: nuk ka paga per grevistet

E konfirmon Ministri i Financave: nuk ka paga per grevistet

nga Kontabilisti

Ministri i Financave Hekuran Murati sërish ka kërcënuar BSPK-në dhe SBASHK-un me pezullim të pagave në rast se vazhdojnë grevën.

Ai, në një konferencë për media të hënën, ka thënë se është e drejtë e secilit për të protestuar ose për të hyrë në grevë, përveç disa kategorive, e që sipas tij kushdo që hynë në grevë gjatë kohës sa vazhdon ajo, paguhen nga fondi i sindikatave e jo nga shtetit.

“Bazuar në konventat dhe praktikat evropiane grevistët nuk paguhen nga punëdhënësi, por nga fondi i sindikatës… kemi rastin e fundit në Britani të Madhe ku protestuan punëtorët e hekurudhave vetëm për 12 ditë, se kaq kishte fonde për pagesë sindikata”, ka thënë ai ndër të tjera.

Sipas tij, grevë nuk duhet të ketë meqë qeveria ka proceduar Ligjin për Pagat e Zyrtarëve Publikë.

“Ligji për pagat është në konsultim të brendshëm dhe së shpejt shkon në Kuvend kurdo që Kuvendi të kthehet. Duhet të ndalen shantazhet dhe kërcënimet nga BSPK dhe SBASHK për grevë. Sot pash në ministri një nënë që kishte marrë fëmijën me vete për shkak se çerdhet janë në grevë”, ka thënë ai.

Ju gjithashtu mund të pëlqeni