Kreu Ekonomi Keto jane te gjitha vendimet e qeverise ne mbledhjen e mbajtur sot (24.08.2022)

Keto jane te gjitha vendimet e qeverise ne mbledhjen e mbajtur sot (24.08.2022)

nga Kontabilisti

24 vendime në mbledhjen e 94-të

Themeluam Komisionin Ekzekutiv për anëtarësimin e Republikës së Kosovës në Bashkimin Evropian, si mekanizëm ndër-institucional, përgjegjës për përgatitjen e aplikimit për anëtarësim në Bashkimin Evropian.

Ndamë 41 milionë euro të zotuara për mbështetjen e qytetarëve në tejkalimin e krizës energjetike, dhe gjysmë milion euro për Avokaturën Shtetërore.

Në Ditën e Pavarësisë së Ukrainës, morëm vendim për vazhdimin e mbështetjes nga Qeveria, për qëndrimin e gazetarëve ukrainas në Republikën tonë.

Nga sot garantimi i qasjes në ujë të pijes, brenda të gjitha institucioneve dhe hapësirave publike të tyre, është obligim.

Për të forcuar zbatimin e Ligjit për Mbrojtjen e Fëmijës, miratuam udhëzimet administrative për Autoritetet përgjegjëse për realizimin e të drejtave të fëmijës; dhe Këshillin për të drejtat e fëmijës.

Me Koncept Dokumentin për Art dhe Kulturë, po vendosim themele të qëndrueshme për zhvillim të pandalshëm të fuqisë kreative të vendit tonë.

Miratuam pesë projektligje për marrëveshje financiare dhe dy projekt-rregullore.

Morëm vendime për shpronësim për interes publik të disa pronave dhe shpallem me interes të veçantë publik disa të tjera, të nevojshme për realizimin e projekteve infrastrukturore.

Aprovuam nismën për lidhjen e marrëveshjes për njohjen e kualifikimeve profesionale të infermierëve, mamive, farmacistëve dhe veterinerëve në nivel të vendeve anëtare të Këshillit për Bashkëpunimin Regjional, brenda kornizës së Procesit të Berlinit.

Ju gjithashtu mund të pëlqeni