Arberie Nagavci: 812 Vajza/gra që studiojnë STEM përfitojnë nga mbështetja financiare në vlerë nga 1000 euro për secilën, në kuadër të Pakos për Ringjallje Ekonomike, masa 1.5.
Sot kam nënshkruar vendimin për publikimin e listës së përfitueseve në Thirrjen për mbështetje financiare të studenteve vajza/gra në fushat e Shkencës, Teknologjisë, Inxhinierisë dhe Matematikës (STEM) të arsimit të lartë në Kosovë. Në këtë thirrje, kanë aplikuar gjithsej 1 mijë e 315 studente, ndërsa Komisioni vlerësues i MAShTI-t ka konstatuar se 812 prej tyre i kanë përmbushur kriteret e kërkuara të thirrjes dhe janë përfituese të kësaj mbështetje financiare.
Ftoj përfitueset e kësaj Thirrje të plotësojnë të dhënat e tyre në afat kohor prej 7 ditësh.
Listën e përfitueseve si dhe të gjitha informacionet tjera mund t’i gjeni në faqen e MAShTI-t, në linkun e mëposhtëm.
Fuqizimi i vajzave dhe grave ndihmon jo vetëm ato, por edhe familjet ashtu si ndikon dhe në zhvillimin e gjithëmbarshëm social e ekonomik të Kosovës, andaj Qeveria jonë do të jetë gjithnjë në përkrahje të tyre. Ju uroj suksese të gjithave në rrugëtimin akademik!