Kreu Financa Ministria e Financave lanson aplikacionin per aplikim per keto kategori

Ministria e Financave lanson aplikacionin per aplikim per keto kategori

nga Kontabilisti

Lansohet formulari për subvencionimin e policave kufitare për bashkatdhetarët

Ministria e Financave, Punës dhe Transfereve njofton se është lansuar formulari elektronik për subvencionimin e policave kufitare për të gjithë bashkatdhetarët që hyjnë në Republikën e Kosovës gjatë vitit 2022.

Ndryshe nga herët e kaluara, këtë vit subvencionimi për polica kufitare do të bëhet duke rimbursuar bashkëatdhetarët me vlerën e plotë të primit që kanë paguar në kufi.

Aplikimin për rimbursim mund ta bëjnë të gjithë bashkatdhetarët që kanë paguar policën kufitare nga data 1 janar 2022 përmes aplikimit në vegëzën në vijim: https://masa4-5.rks-gov.net/

Në formën elektronike duhet të plotësohen të dhënat personale, të dhënat për policën dhe automjetin, si dhe të dhënat bankare të përfituesit në një bankë në Kosovë. Në këtë rast, përfitues mund të jetë edhe familjari që jeton në Kosovë. Aplikimet do të shqyrtohen dhe verifikohen në baza mujore dhe vlera e rimbursimit të policës kufitare do të transferohet në llogarinë bankare të përfituesit në fund të çdo muaji.

Duke vlerësuar lartë kontributin e diasporës tonë në zhvillimin ekonomik të vendit, Ministria e Financave, Punës dhe Transfereve synon që të lehtësojë barrierat për mërgatën tonë, deri në një zgjidhje të përhershme për Kartonin e Gjelbër, çështje e cila veçse është duke u trajtuar në vazhdminësi nga MFPT dhe ministritë e linjës.

Ju gjithashtu mund të pëlqeni