Kreu Ekonomi Njoftim me rendesi nga Ministria e infrastruktures. Kjo kategori e bizneseve do te perfitojë!

Njoftim me rendesi nga Ministria e infrastruktures. Kjo kategori e bizneseve do te perfitojë!

nga Flamur Berisha

Ministri në detyrë i Infrastrukturës, Arban Abrashi, ka nënshkruar një marrëveshje të parimeve për ta mbështetur Shoqatën e Transportit Rrugor të Udhëtarëve.

Ministri Abrashi tha se kjo marrëveshje do të shërbejë që të ruhen vendet e punës në këtë sektor, duke dhënë garanci se në bashkëpunim me kryeministrin në detyrë, Avdullah Hoti dhe ministren e Financave, Hykmete Bajrami, do të gjenden modalitetet që të mbështetet ky sektor.

“Kjo marrëveshje do t’i ruajë më shumë se 6 mijë vende pune dhe 400 kompani që punojnë në Kosovë. Qeveria e Kosovës do të punojë me të gjitha operatorët ekonomik që t’iu del në ndihmë duke i ruajtur vendet e punës”, tha Abrashi.

Abrashi tha se Ministria e Infrastrukturës do të marr të gjitha veprimet që të mbështes këtë sektor.

Ndërsa, kryetari i Shoqatës të Shoqatës së transportit rrugor të udhëtarëve, Ruzhdi Kurtishaj, tha se ky veprim konkret i Ministrisë është një hap tutje në ruajtjen e shumë vendeve të punës.

Vitin e kaluar, Ministri i Infrastrukturës, Arban Abrashi, kishte liruar të gjithë këta operator nga rendet e udhëtimit dhe të gjitha taksat për tri vitet e ardhshme.​

Ju gjithashtu mund të pëlqeni