Kreu Financa Njoftim per perfaqesues per biznese. Vendimi hyne ne fuqi nga sot

Njoftim per perfaqesues per biznese. Vendimi hyne ne fuqi nga sot

nga Flamur Berisha

Nga e hëna do të pezullohen të gjitha shërbimet për tatimpaguesit. Sindikata e punëtorëve të ATK-së ka marrë vendim që të vazhdojnë grevën e tyre e tashmë me orar të plotë nga e hëna.

Kështu kanë njoftuar ata në një konferencë për media në lidhje me grevën që e kanë filluar një javë më parë.

Sekretarja e sindikatës, Arlinda Bajraj tha se kjo grevë është respektuar pothuajse nga të gjithë e stafit të ATK-së

“Sot vetëm ka përfunduar dita e shtatë e grevës. Këto ditë kemi mbajtur një gjysmë orari, vetëm pjesën e paradites me greva. Kjo ka ndodhë deri më tash për shkak të mos reflektimit nga qeveria apo Ministria e Financave, në lidhje me kërkesat tona. Kërkesat veç i kemi raportuar disa herë cilat janë ato. Për herë të fundit është dërguar zyrtarisht shkresa me 9 qershor, ku janë cekur të gjitha kërkesat dhe janë sqaruar arsyeshmëritë në lidhje me këto kërkesa. Deri më tani nuk kemi më asnjë konfirmim”, ka thënë ajo.

Ajo ka shtuar se qëllimi i tyre nuk është që të dëmtohen tatimpaguesit e as të mbesin pa shërbime, por që janë të detyruar meqë nuk po plotësohen kërkesat e tyre.

“Greva do të vazhdojë, madje nga e hëna me datë 26, greva do të jetë e përgjithshme në gjithë orarin e punës, nga ora 08 e mëngjesit deri në orën 16:00 do të ndërpriten të gjitha shërbimet për tatimpaguesit nga të gjitha zyrat dhe regjionet e ATK-së”, ka deklaruar ajo.

Kjo grevë është vazhdimësi e grevës paralajmëruese të mbajtur në maj të këtij viti. Kërkesat e tyre janë për krijimin e kushteve të punës, propozim-ndryshimin e statusit të ATK-së, kompensimet e ndryshme. /Kp/

Ju gjithashtu mund të pëlqeni